ഏതെങ്കിലും സംഘടിത മതത്തിന്റെ സ്വകാര്യസ്വത്താണോ യേശുക്രിസ്തു. മതത്തെ ഇഷ്ടപ്പെടാത്ത ഒരാള്‍ക്ക് യേശുവിനെ സ്‌നേഹിക്കാന്‍ അവകാശമുണ്ടോ. യേശു റിപ്പബ്ലിക്കന്‍ പാര്‍ട്ടിക്കാരനാണോ.....മതവും വിശ്വാസവും തമ്മിലുള്ള വൈരുദ്ധങ്ങള്‍ക്കുള്ളിലേക്ക് കടക്കുന്ന ഒരു വീഡിയോ യുട്യൂബില്‍ സൂപ്പര്‍ഹിറ്റായി മുന്നേറുന്നു.
ഒരുപക്ഷേ, കേരളത്തില്‍ കഴിഞ്ഞ ആഴ്ചകളില്‍ ചര്‍ച്ച ചെയ്യപ്പെട്ട ചില സംഗതികളുമായി ഏറെ സാമ്യമുള്ള പ്രശ്‌നങ്ങളാണ്, 22-കാരനായ ജെഫേഴ്‌സണ്‍ ബെത്‌കെ എന്ന അമേരിക്കക്കാരന്‍ യുട്യൂബില്‍ കഴിഞ്ഞ ജനവരി 10ന് പോസ്റ്റ് ചെയ്ത വീഡിയോയുടെ ഉള്ളടക്കം. ഇതിനകം 186 ലക്ഷത്തിലേറെ തവണ ആ വീഡിയോ യുട്യൂബില്‍ കണ്ടുകഴിഞ്ഞു. പല സൈറ്റുകളില്‍ അതിനെക്കുറിച്ച് ഗൗരവമാര്‍ന്ന ചര്‍ച്ചകളും പൊടിപൊടിക്കുന്നു.
'വൈ ഐ ഹേറ്റ് റിലീജിയന്‍, ബട്ട് ലവ് ജീസസ്' ('Why I Hate Religion, But Love Jesus') എന്ന വീഡിയോ പോസ്റ്റു ചെയ്യുമ്പോള്‍ ബെത്‌കെ തന്റെ സുഹൃത്തുക്കളോട് പറഞ്ഞത്, പിറ്റെന്ന് രാവില ആകുമ്പോഴേക്കും കുറഞ്ഞത് 1000 പേര്‍ ആ വീഡിയോ കണ്ടിരിക്കും എന്നാണ്; കൂടിയാല്‍ 6000 പേര്‍ കാണും. എന്നാല്‍, പിറ്റെന്ന് രാവിലത്തെ വാര്‍ത്ത ആ വീഡിയോ അതിനകം ഒരുലക്ഷം തവണ കണ്ടുകഴിഞ്ഞു എന്നതായിരുന്നു!
ഒരു കവിതയാണ് ആ വീഡിയോയില്‍ ബെത്‌കെ അവതരിപ്പിച്ചിരിക്കുന്നത്. അതൊരിക്കലും മതത്തെ ഇല്ലാതാക്കാനുള്ളതല്ലെന്ന് ആ യുവാവ് പറയുന്നു. കാപട്യത്തിനും മറ്റനേകം തെറ്റുകള്‍ക്കുമെതിരിയെുള്ളതാണ് തന്റെ കവിതയെന്നാണ് അദ്ദേഹത്തിന്റെ അവകാശവാദം. പ്രകോപനകരമായ പല വരികളും ആ കവിതയിലുണ്ട്.
അതിലെ തിരഞ്ഞെടുത്ത ചില വരികള്‍ ചുവടെ -
What if I told you Jesus came to abolish religion?
What if I told you voting Republican really wasn't his mission?
What if I told you 'Republican' doesn't automatically mean 'Christian'?
Why does it build huge churches but fails to feed the poor?
Religion says 'slave,' Jesus says 'son'
Religion puts you in bondage while Jesus sets you free
Religion makes you blind, but Jesus makes you see
And that's why religion and Jesus are two different clans
COURTESY:THE MATHRUBHOOMI TECHNOLOGY.
No comments:
Post a Comment